ტურის ღირებულება: 1 702 ლარი (ერთ მგზავრზე ორადგილიან ნომერში)

ტურის ჯამური ბიუჯეტი ორ მგზავრზე: 3 405 ლარი

აქაურობა სავსეა კლუბებით, ბარებით, ღია საფესტივალო სივრცეებით. თითოეული მალტაზე ჩამოსული ტურისტი თავს ისე გრძნობს, გეგონება მთელი ცხოვრება აქ გაატარა და სხვებსაც ბავშვობიდან იცნობს.

გაფრენის თარიღი და დრო: 4 ივლისი, 07:20 (ადგილობრივი დრო). თბილისის შოთა რუსთაველის სახელობის საერთაშორისო აეროპორტი.

მალტაზე ჩაფრენის თარიღი და დრო: 4 ივლისი 09:30 (ადგილობრივი დრო). მალტის საერთაშორისო აეროპორტი. ქ. ლუქა

გამოფრენის თარიღი და დრო: 11 ივლისი 00:40 (ადგილობრივი დრო).

თბილისში ჩამოფრენის თარიღი და დრო: 11 ივლისი 06:30 (დგილობრივი დრო).

ფრენის ხანგრძლივობა: 3სთ. და 50წთ.

კვება ფრენის დროს: Air Malta-ს მენიუ. ადგილზე ანგარიშსწორებით.

ტურის ხანგრძლივობა: 7 დღე / 6 ღამე

ტრანსპორტირება აეროპორტიდან სასტუმრომდე გათვალისწინებულია, როგორც ჩასვლის ასევე უკან დაბრუნების თარიღში. მომსახურეობა შესულია ტურის საერთო ღირებულებაში. 

მგზავრობის ხანგრძლივობა აეროპორტიდან სასტუმრომდე: 30 წთ.

სასტუმრო: St. George’s Park Hotel 
მდებარეობა: წმ. ჯულიანის ქალაქი (St. Jualian’s)
Check in: 4 ივლისი 14:00
Check out: 10 ივლისი 12:00
კვება: საუზმე. დილის 08:00-10:00

მალტაზე, ქალაქები ისეა ერთამანეთთან შეერთებული, როგორც ქუჩები. დედაქალაქი ვალეტადან, წმ. ჯულიანის მხარეს (St.julian’s) ისე შეიძლება მოხვდეთ, ვერც მიხვდებით რომ უკვე სხვა ქალაქში ხართ.

აქაურობას ახალგაზრდების სამოთხეს უწოდებენ, უამრავი კლუბის, ბარის, რესტორნის და თქვენ წარმოიდგინეთ სასწავლებლის გამო. ინგლისურის ყველაზე მაგარი სასწავლო კურსები სწორედ აქა არის!

MTV-ის ღია ფესტივალზე თუ გინდათ მოხვედრა აქ ჩამოდით! Cafe Del Mar-ის პლიაჟზე თუ გნებავთ გარუჯვა, აქ ჩამოდით! ინგლისურის სწავლა თუ გინდათ, აქ ჩამოდით! ზღვაზე დასვენება თუ გინდათ აქ ჩამოდით! ისტორიული ძეგლების მონახულება თუ გინდათ – აქ ჩამოდით! და ვისაც ეს ყველაფერი ერთად აინტერესებს, ფაქტობრივად, აქაურობა ქერის ორმოა.

და ყველაზე, ყველაზე მთავარი – მზის ჩასვლის დროს, როცა მალტის მოძველებულ სახლებს სტაფილოსფერი მზე დაეცემა, როცა მეთევზეები ძველ რადიოლას ჩართავენ ნავსადგურებში, ჯულიანის მხარეს, თავიდან თითქოს მიყრუებული მუსიკის ხმა უფრო და უფრო მოიმატებს და სულ ცოტა ხანში, მთელი ქალაქი ერთ დიდ საცეკვაო მოედნად გადაიქცევა!

Isle of Malta MTV Festival:  9-14 ივლისი
ჯავშნის დროულად განხორციელების შემთხვევაში, თქვენ შეძლებთ, 9 ივლისს სრულიად უფასოდ დაესწროთ უდიდეს ყოველწლიურ მუსიკალურ მოვლენას მალტაზე და ყველაზე მასშტაბურ ფესტივალს ევროპაში!

ჯგუფური ექსკურსიის თარიღი: 10 ივლისი
ხანგრძლივობა: 21:00-00:00 
გამოცდილი ადგილობრივი გიდი, სასტუმროდან სასწაულ Party-ზე წაგიყვანთ, რომელიც არც მეტი არც ნაკლები ერთ კოხტა იახტაზე გაიმართება. იქ დასათვალიერებელი არაფერია. წმინდა წყლის გართობა და მუსიკით ტკბობა იქნება ის რასაც თავი უნდა გაართვათ!

ჯგუფურ ექსკურსიაში მონაწილეობა ჩვენი საჩუქარია!

ტურის დაჯავშნის მსურველებმა, დაგვირეკეთ “საგზურის” ტელეფონის ნომერზე (032) 2 294 – 343 ან მოგვწერეთ ელექტრონული ფოსტის მისამართზე tamuna@sagzuri.com

მე, თამუნა ქურდოვანიძე, ვიქნები თქვენი ტურ-მენეჯერი, რაც ნიშავს იმას, რომ არ მოგიწევთ აეროპორტში, სასტუმროში ან სხვაგან, საინფორმაციო სტენდების ძებნა. არ მოგიწევთ, რადგან არ დაგჭირდებათ. ყველაფერში გაგარკვევთ და ხაზზე ვიქნები 24/7.

დაჯავშნისას იხდით, ტურის სრული ღირებულების 30%-ს და დარჩენილ 70%-ს გაფრენის თარიღამდე 10 დღით ადრე.